Cubela: “Non podemos apoiar unhas contas nefastas, que non teñen en conta a grave situación económica que afecta a familias, empresas e concellos”

• “Votamos en contra dun orzamentos que consideramos decepcionantes. Nuns orzamentos de expansión van deixar atrás aos concellos pequenos e mediamos. E deixando atrás aos concellos, deixan tamén atrás aos seus veciños”.

• “Non podemos apoiar unhas contas que son nefastas, que están feitas sen ter en conta a grave situación económica que afecta a familias, empresas e concellos. Unhas contas feitas de costas a todos, sen consenso e sen diálogo”.

• “Para 2023 a Deputación conta con 11 millóns de euros extras. 11 millóns de euros máis que este ano. Importantes recursos que van a ir destinado para todo, menos para os pequenos e medianos concellos da provincia”.

• “As reclamacións dos alcaldes e alcaldesas non son un capricho. Son unha necesidade ante unha situación moi complicada e que debería ter unha resposta da administración competente, que é a Deputación de Pontevedra”.

• “Simplemente dixemos que aumentar os fondos para os concellos permitiría reforzar servizos básicos. Somos os primeiros aos que petan os veciños en busca de solucións aos problemas. E somos os primeiros en ofrecela”.

• “Están moi preocupados sempre de deixar para o final da intervención ao PP e o que fai a Xunta. Aquí estamos nunha administración que é local. A Xunta de Galicia foi votada por unha contundente maioría absoluta nas eleccións de xullo de 2020. Tanto falar do Goberno galego debería valerlles para mirarse no espello en moitas cousas”.

• “Quen presenta alegacións aos orzamentos son os traballadores, os sindicatos e o Colexio de Secretarios e Interventores, algo que non é menor e co que debería reflexionar. E tamén se esqueceu López Font de incluír nese balance tan triunfalista a sentenza do Supremo sobre os falsos bolseiros do Revitaliza”.