O Tripartito recadou 8.290.742,61€ en impostos e taxas municipais no ano 2021: récord histórico

•  Ángel Moldes explica que o pasado exercicio todos os impostos bateron records de recadación: IBI, lixo, viñeta, saneamento, auga, plusvalías... «Nunca os veciños de Poio tiveron que pagar tanto as arcas municipais».
• De media, un veciño de Poio paga 500 euros en impostos municipais, un “espolio fiscal” que non vai acompañado de mellora nos servizos, nin de novas infraestruturas como pode ser un pavillón polideportivo, unha piscina ou un auditorio, e mentres máis de 2.000 carecen de servizo básicos como auga ou saneamento.
• «No Tripartito xa sabemos que son especialistas en botarlle culpas de todos os males de Poio a todo o mundo menos a eles (á Xunta de Galicia, ao ORAL, ao partido da oposición, etc.) pero a realidade é que os veciños de Poio a quen máis impostos lles pagan é ao Concello de Poio».

23 de marzo de 2022. O portavoz do PP de Poio, Ángel Moldes, despois de examinar a Conta Xeral de recadación do 2021 e a liquidación do presuposto do pasado ano informa que o Tripartito recadou 8.290.742,61€ en impostos e taxas da veciñanza de Poio.

«É unha cifra récord na historia do Concello de Poio, nunca os veciños de Poio tiveron que pagar tanto as arcas municipais», denuncia o voceiro popular.

Os populares teñen claro que isto é por “puro afán recadatorio do Tripartito”: «De media, un veciño de Poio paga 500€ en impostos municipais ao ano e iso é unha barbaridade», destaca Moldes.

«Todas os impostos baten récord de recadación, empezando polo IBI con 3.298.278,58€, seguido da taxa de basura con 1.231.629,90€, da viñeta dos vehículos con 705.083,88€, da taxa de saneamento con 658.917,35€, da taxa de auga con 591.407,37€, das Plusvalías con 555.541,27€», indica Moldes.

«É un auténtico espolio fical ao que o Tripartito está a facer aos veciños e veciñas de Poio e o máis grave e que non vai acompañado de mellora dos servizos como o auga ou na conservación de estradas nin na creación de novas infraestruturas municipais como pode ser un pavillón polideportivo, unha piscina municipal ou un auditorio cultural», indica Moldes.

«Non é que este espolio fiscal ao que ten sometido o Tripartito a veciñanza de Poio non vaia acompañado da mellora dos servizos senón que, por exemplo, en Poio hai 2.000 veciños sen auga e sen saneamento, 2.000 veciños que nin teñen servizos municipais básicos».

«No Tripartito xa sabemos que son especialistas en botarlle culpas de todos os males de Poio a todo o mundo menos a eles (á Xunta de Galicia, ao ORAL, ao partido da oposición, etc.) pero a realidade é que os veciños de Poio a quen máis impostos lles pagan é ao Concello de Poio».

«Máis impostos, máis débeda e máis préstamos e o resumo da lexislatura dos “3 gobernos” formados por BNG, PSOE e Avante Poio», conclúe Moldes.