21 senadores de 7 provincias pola que atravesa a N-120 presentan unha iniciativa conxunta para reclamar o Estado unha actuación inmediata ante os graves problemas que presenta dende fai anos

Ponteareas, 1 de decembro de 2023.-

Os deputados e senadores galegos, Ana Pastor, José Manuel Barreiro, Rosa Sánchez, José Crespo e Nidia Arévalo, acompañados da alcaldesa de Ponteareas, Nava Castro, explicaron hoxe en rolda de prensa a iniciativa presentada o Estado por 21 senadores das 7 provincias pola que pasa a N-120, na que se reclama de maneira urxente o Estado que se leven a cabo as actuacións previstas na estrada relacionadas cos proxectos, orzamentos e prazos de execución para resolver os graves problemas que presenta esta estrada.

Segundo explicou Nava Castro, Ponteareas leva moitos anos reclamando ao Estado a execución de dúas infraestruturas moi necesarias, que son a mellora da seguridade viaria na N-120” e a construción da variante. Despois de conseguir cun Goberno Popular en Madrid que nos Orzamentos Xerais do Estado do ano 2018 houbese 27 millóns de euros para estas dúas infraestruturas, a mediados do ano 2018, co novo Goberno, esa partida foi eliminada.

A Estrada N-120 (Logroño-Vigo) é un corredor vital para conectar 7 provincias no norte de España: Pontevedra, Ourense, Lugo, León, Palencia, Burgos e A Rioxa. No seu trazado está afectado por problemas de envellecemento estrutural, mantemento da vía, iluminación nos tramos urbanos, problemas de acceso, carencia seguridade dos peóns e alto índice de accidentes de vehículos cun alto número de mortalidade.

Actualmente os problemas máis urxentes son na provincia de Pontevedra, mellorar  a seguridade viaria tanto de vehículos como para peóns, ao seu paso polo concello de Ponteareas,coa construción de dúas novas rotondas e a construción da variante ou circunvalación a dita localidade na súa conexión coa estrada A-52.

Na provincia de Ourense, está paralizado o inicio da construción da variante norte na súa conexión coa A-52 no concello de Eirasvedras e Quintela de Canedo desde setembro de 2022. Na provincia de Lugo prometeuse unha profunda rehabilitación da capa de rodaxe do tramo que discorre por Quiroga, A Pobra do Brollón, Monforte de Lemos e Sober, que aínda non está iniciado.

Na provincia de León dende fai anos está apagada a iluminación existente no cruce da N-120 coa AP-66 no concello de Valverde de La Virgen.  Ademais, o asfalto do tramo en mal estado entre León-Villadangos del Páramo-San Martín do Camiño-Hospital de Órbigo segue sen realizar, así como a falta de inicio das obras da construción da glorieta na intersección no quilómetro 314 e na estrada a Montejos del Camino e o inicio da mellora da intersección do acceso a Trobajo del Camino.

Na provincia de Palencia é urxente e necesario baixar o nivel da estrada como consecuencia das numerosas capas de asfalto acumuladas no tramo que discorre polo concello de Villaherreros, xa que se situou sobre as beirarrúas existentes en ambos laterais, o que provoca fugas e humidade nos inmobles situados xunto a estrada.

Na provincia de Burgos, ante o atraso no remate das obras do autovía A-12, é urxente o inicio das obras prometidas de rehabilitación e substitución o pavimento en boa parte do trazado da estrada N-120 ao seu paso pola localidade de Burgos. Na provincia da Rioxa tamén se ven afectados polos continuos atrasos o remate da Autovía A-12 e a falta de conexión coa cidade de Burgos.