Juan Maneiro, Beatriz Loroño e Ana Granja, membros do Comité Organizador do Congreso de Vilagarcía

• Finalmente celebrarase o domingo, 14 de maio, no Salón García
• Todos os afiliados do PP do Vilagarcía que aspiren á presidencia do partido terán ata o 24 de abril para presentar por escrito a súa intención de presentarse.
• As candidaturas deberán ir acompañadas por un mínimo de 75 avais e o prazo para a súa presentación remata o 12 de maio. 

Vilagarcía de Arousa, 5 de abril de 2017.- O Congreso local do Partido Popular de Vilagarcía celebrarase, finalmente, o domingo 14 de maio no Salón García, e nel terán dereito a voto os aproximadamente 1.300 afiliados.

Xunto con Juan Maneiro, que será o presidente, a Comisión Organizadora do Congreso estará composta por Beatriz Loroño e Ana Granja, concelleira actualmente. Esta Comisión será a encargada de coordinar, impulsar e dirixir todos os aspectos organizativos ata que se celebre, momento no que asumirá esas competencias a Mesa do Congreso.

Todos os afiliados do PP de Vilagarcía que aspiren á presidencia do partido terán que presentar ante a Comisión Organizadora do Congreso un escrito no que declaren a súa intención de ser candidato antes do 24 de abril ás 18.00 horas e, ademais, poder ter así acceso á documentación relativa ao Congreso.

A candidatura deberá ir acompañada por un mínimo de 75 avais, no modelo aprobado ao efecto pola Comisión. O prazo para a presentación de avais remata o 12 de maio ás 17.00 horas.  

Tanto para ser candidato como para poder avalar ou votar no Congreso será necesario, tal e como recollen os estatutos do partido, figurar inscrito no censo de afiliados. Toda aquela persoa que o desexe, poderá comprobar as súas circunstancias na sede local do partido.