Nesta web as cookies son utilizados para fins estatísticos para optimizar a función e, así, proporcionar contidos adaptados aos seus intereses. Se preme "continuar" , concordas con estas condicións. Máis información.

Populares de Pontevedra

  • 1
  • 2
  • 3
  • Para o PP o Plan Móvese esquécese do fundamental, que son as persoas, e non vai ao fondo do problema na seguranza viaria

    •  Ángel Moldes critica que este plan céntrase exclusivamente en medidas externas e recorda que o factor humano motiva o 98% dos accidentes.
    • Apunta que a seguridade vial non pode entenderse con accións exclusivamente nas estradas, e lamenta que dos 4 millóns do plan non se reserve nada para estratexias e mecanismos no ámbito educativo e formativo.

     

    Pontevedra, 14 de decembro de 2016.- O grupo provincial do Partido Popular considera que o Plan Móvese da Deputación de Pontevedra está incompleto, xa que só se centra no factor vía, cando o 98% dos accidentes de tráfico se producen motivados polo factor humano ou condutor. Por este motivo, o voceiro popular, Ángel Moldes, propón que para aumentar a seguranza viaria en toda a rede de estradas da provincia, é fundamental que poñan en marcha un plan en colaboración cos concellos da provincia para concienciar aos condutores, principalmente aos noveis e aos máis vulnerables, que son a mocidade e as persoas de máis idade.

    “O Plan Móvese esquécese do fundamental, que son as persoas. Non vai ao fondo do problema, porque máis que traballar na instalación de elementos físicos, hai que apostar por accións que repercutan nunha condución máis responsable e, polo tanto, máis segura”, critica Ángel Moldes, ao entender que o bipartito provincial pretende reducir o número de accidentes unicamente coa implantación de elementos físicos, cando o realmente importante e urxente é traballar no cambio de actitudes, na información e a formación, para que os condutores sexan conscientes de que son o principal causante dos accidentes de tráfico.

    Nesta liña, sostén que a seguridade vial non pode entenderse con accións exclusivamente nas estradas, senón que tamén debe incluír estratexias e mecanismos no ámbito educativo e formativo, entre outros, e por iso considera que este plan esquécese dunha parte fundamental para reducir os accidentes e as lesións que provocan.

    “Sabemos que o error humano  non se pode eliminar por completo, e por iso son importantes as actuacións sobre as vías, pero  o que non é entendible é que dos case 4 millóns de euros que hai destinados para este plan, non se reserve nada para algo tan fundamental como a prevención e a concienciación dos condutores”.

    Sobre o factor vía, causante dos accidentes, Ángel Moldes cuestiona que estean centrados exclusivamente en investir 4 millóns de euros para implantar zoas 30, pasos de peóns sobreelevados e redutores físicos de velocidade, e teñan desde hai ano e medio as estradas provinciais abandonadas, co asfalto deteriorado, cunetas que obstrúen a visibilidade e marcas viais desgastadas, cando o mantemento de vías tamén é unha tarefa de especial importancia na a prevención de accidentes.