Nesta web as cookies son utilizados para fins estatísticos para optimizar a función e, así, proporcionar contidos adaptados aos seus intereses. Se preme "continuar" , concordas con estas condicións. Máis información.

Populares de Pontevedra

  • 1
  • O Partido Popular convoca os congresos locais en Portas e Salceda de Caselas

    • Celebraranse o sábado 26 e domingo 27 de novembro.
    • As persoas que desexen optar á presidencia do partido nestes concellos teñen dez días para presentar a súa candidatura, que terá que ir acompañada, como mínimo, polo 5% dos afiliados.

     

    26, outubro, 2022. Os congresos locais do Partido Popular de Portas e de Salceda de Caselas celebraranse, respectivamente, o sábado 26 e domingo 27 de novembro. O PP provincial dá así luz verde á celebración dos cónclaves nestes dous concellos, para os que tamén se aprobaron os regulamentos que rexerán todo o relativo á organización e funcionamento dos congresos, así como a composición das comisións organizadoras.

    No caso de Portas, a COC estará formada por Víctor Estévez Casal, como presidente, Alfonso Vázquez Reboredo e Ana María Peña Maquieira. Mentres que en Salceda de Caselas, Joaquín Núñez Troncoso será o presidente da comisión, da que tamén forman parte Vanessa Rocha Núñez e Ana Cristina Pérez Cabaleiro. Estas comisións serán as encargadas de coordinar, impulsar e dirixir todos os aspectos organizativos de cadanseu congreso ata a súa celebración, momento no que asumirá estas competencias a mesa do congreso.

    PRESENTACIÓN DE CANDIDATURAS

    Os afiliados que desexen optar á presidencia local do partido en cada un destes concellos, teñen dez días de prazo para presentar a súa candidatura, que terá que ir acompañada, como mínimo, polo 5% dos afiliados locais. A partir de aí, ábrese a campaña electoral interna para que cada candidato explique aos afiliados o seu proxecto para o partido.

    O PP provincial avanza así no reforzo das estruturas locais do partido para afrontar as municipais de maio mellor preparados que nunca. “Hai que ensanchar a base e renovar equipos, con xente que xa estaba e persoas que se están incorporando ao partido; é fundamental mobilizar aos afiliados e simpatizantes e, sobre todo, saír á rúa para escoitar o que precisan e esperan de nós. O PP é un partido de Goberno e presentaremos un proxecto gañador en todos os concellos”, defende o presidente Luis López.