O Partido Popular reitera o seu apoio á loita contra a drogadicción

Nesta web as cookies son utilizados para fins estatísticos para optimizar a función e, así, proporcionar contidos adaptados aos seus intereses. Se preme "continuar" , concordas con estas condicións. Máis información.

Populares de Pontevedra

  • 1
  • 2
  • 3
  • O Partido Popular reitera o seu apoio á loita contra a drogadicción

    •  Alfonso Rueda reuniuse esta tarde coa Fundación Galega contra o Narcotráfico.
    • Salientou a colaboración do Goberno co mantemento da liña de atención 900 a firma do convenio para axilizar e mellorar a xestión dos bens incautados ao narcotráfico.

     

    Vilagarcía, 20 de setembro de 2016.- O presidente do Partido Popular de Pontevedra, Alfonso Rueda, reiterou esta tarde o apoio do PP á labor das asociacións de loita contra a droga, e salientou a importante colaboración da Xunta desde o ano 2009 coa Fundación Galega contra o Narcotráfico.

    O presidente provincial e candidato popular mantivo esta tarde unha reunión con directivos e representantes da fundación, e amosou o seu agradecemento a todas as persoas que desinteresadamente forman parte da fundación. Alfonso Rueda destacou, ademais, que a droga segue sendo “un problema importante que require da axuda de todas as administracións”. Ademais da consellería de Presidencia, que é a que outorga a axuda á Fundación, tamén outros departamentos autonómicos, como Sanidade ou Política Social, manteñen o seu apoio á loita contra o droga, tanto en prevención como na disuasión.

    Nesta liña, recordou que o goberno dos populares outorgou á Fundación unha axuda de case 150.000 euros para garantir o mantemento da liña de atención 900 de prevención da drogadicción e do tráfico de drogas, e salientou que, ademais, colaboran na elaboración de estatísticas e informes que axuden ao desenvolvemento das actuacións de carácter preventivo, así como a informar e divulgar sobre os efectos negativos das drogas.

    Alfonso Rueda tamén puxo en valor o convenio que asinaron hai un ano, e que permitiu poñer en marcha unha iniciativa pioneira en España para  mellorar e axilizar a xestión dos bens incautados ao narcotráfico. “Conseguiuse axilizar a súa venta, para que o produto reverta en todos os afectados polas drogas. É dicir, que os que se enriquecen co narcotráfico, cando son condenados, non poidan aproveitar eses cartos”.

Add comment


Security code
Refresh