Nesta web as cookies son utilizados para fins estatísticos para optimizar a función e, así, proporcionar contidos adaptados aos seus intereses. Se preme "continuar" , concordas con estas condicións. Máis información.

Populares de Pontevedra

  • 1
  • 2
  • 3
  • O Grupo Municipal do Partido Popular de Tomiño cualifica de improvisación as obras que se están realizando na alameda de Goián.

    •  Esta situación provocará que os alumnos/as do CEIP Pintor Antonio Fernández non poidan realizar actividades físico deportivas no pavillón.

    Tomiño, 03 de outubro de 2019.- Esteban González Miranda, portavoz do Grupo Municipal do Partido Popular de Tomiño considera que as obras que se están a levar a cabo na alameda de Goián denotan unha gran falta de planificación e como consecuencia diso os alumnos/as do colexio Pintor Antonio Fernández desta parroquia non poderán realizar as actividades físico deportivas no pavillón.

    Segundo informou o portavoz popular, a “alcaldesa, Sandra González e o concelleiro de urbanismo Uxío Benítez tomaron, de xeito unilateral, a decisión de demoler as escaleiras que os alumnos/as utilizan para acceder ao pavillón sen antes acordalo coa propia dirección do centro educativo e sen nin sequera ofrecer algunha alternativa.

    Tamén se pregunta este Grupo municipal se antes de levar a cabo ditas obras cóntase coa autorización preceptiva da Consellería de Educación por afectar as devanditas obras a terreos afectados e destinados ao uso educativo.

    Os populares tachan esta actuación de “irresponsable e soberbia” e engaden que “ignora” o lexítimo interese da administración educativa de ser coñecedora das obras que se pretenden levar a cabo nos terreos afectados polo uso educativo e que non son competencia municipal.

    “Polo que vemos, terá que ser a petición da administración educativa cando a señora alcaldesa e o concelleiro de urbanismo se aveñan a dar explicacións tratando de xustificar unhas obras que non estaban previstas e que só se xustifican por unha falta de planificación”, engadiu González Miranda.

    “Ao mesmo tempo consideramos que pode existir unha gran indefensión nos propietarios dos terreos lindeiros ao facerse a modificación puntual do PXOM e establecer área de repartición”, rematou o portavoz popular lamentando “unha vez máis, que o goberno municipal dea mostras da súa improvisación e falta de xestión”.