Arévalo comeza a perfilar o equipo de campaña para as próximas municipais

Nesta web as cookies son utilizados para fins estatísticos para optimizar a función e, así, proporcionar contidos adaptados aos seus intereses. Se preme "continuar" , concordas con estas condicións. Máis información.

Populares de Pontevedra

  • 1
  • 2
  • 3
  • Arévalo comeza a perfilar o equipo de campaña para as próximas municipais

    • O programa electoral dos populares mosenses será elaborado por grupos humanos especializados en diferentes materias

     

    A alcaldesa de Mos e candidata á Alcaldía ás vindeiras eleccións municipais polo Partido Popular, Nidia Arévalo, e o presidente do Comité Local dos populares mosenses, Camilo Augusto, reuníronse esta mañá nas instalacións da Axencia de Colocación de Mos con membros do Comité, Novas Xeracións, e colaboradores para sentar as bases organizativas de cara á próxima campaña electoral.

    Do encontro extraeuse o planning da estratexia de campaña e comezáronse a definir os equipos humanos que se encargarán da elaboración do programa electoral e que se dividirán por materias de xestión nas que estes son especialistas.

    Na reunión realizouse unha tormenta de ideas para poder comezar a deseñar o calendario de accións e fíxose un repaso do programa electoral de 2015 para chequear a porcentaxe de cumprimento das promesas electorais, que está próxima ao 90%.

    Arévalo avanzou sobre a vindeira campaña que “será unha campaña novidosa, moi interactiva, na que primará a comunicación coa veciñanza e, sobre todo, a planificación de proxectos ambiciosos para a próxima lexislatura que revirtan moito na mellora da calidade de vida dos habitantes de Mos”.

    Así mesmo, a candidata popular e actual rexedora local mosense, anunciou que o vindeiro 23 de febreiro se celebrará un acto de presentación oficial dos equipos de traballo que se encargarán do deseño e redacción dos diferentes apartados do seu programa electoral. Haberá un total de 4 equipos especializados e cada un deles centrarase nun área de acción.

Add comment


Security code
Refresh